Шоир Баҳодир Исо вафот этди
У Ўзбекистонда хизмат кўрсатган ёшлар мураббийси унвони билан тақдирланган.
Маданият
25 февраль, 9:28
Ўзбекистонда хизмат кўрсатган ёшлар мураббийси, уюшма аъзоси, шоир Баҳодир Исо вафот этди.
Бу ҳақда Ўзбекистон Ёзувчилар уюшмаси хабар берди.
Жаноза намози 25 феврал соат 11:00 да Риштон туманидаги Дутир қишлоғида ўқилади.
Баҳодир Исо 1956 йилда Фарғона вилояти, Риштон туманида туғилган. Фарғона педагогика институтини 1977 йилда тугаллади. Бироқ, фаолиятини асосан адабиётга, санъатга боғлади.
Унинг шеърлари, достонлари республиканинг барча матбуот нашрларида, коллектив тўпламларда чоп этилган. 1988 йилда нашр этилган "Хайрли тун" шеърий тўплами билан мухлисларга яхши танишдир.
