Жарима баллари фақат ЙПХ ходимлари томонидан расмийлаштирилади
Лекин аввалроқ жарима балларига радарлар орқали қайд этилган қоидабузарликлар ҳам киритилиши айтилганди. Расмийлар нотўғри ахборот тарқатмасликка чақирганди.
Ҳайдовчилар учун 12 баллик жарималар тизими фақат ЙПХ ходимлари томонидан тузилган далолатномалар асосида ҳисобланади.
Бу ҳақда Ички ишлар вазирлиги Давлат йўл ҳаракати хавфсизлиги хизмати раҳбарияти иштирокида бўлиб ўтган матбуот анжуманида маълум қилинди.
Қўшимча қилинишича, келгусида камера ва радарларга тушганда ёзиладиган жарималарни ҳам 12 баллик тизимга қўшиб ҳисоблаш режалаштирилган.
Радарлар, видеокамералар орқали тузилган далолатномалар бўйича ҳозирча жарима баллари ҳисобланмайди.
Жарима баллари электрон базада ҳисобланади, унда инсон омили бўлмайди.
Лекин аввалроқ жарима балларига радарлар орқали қайд этилган қоидабузарликлар ҳам киритилиши айтилганди. Расмийлар блогер ва бошқаларни нотўғри ахборот тарқатмасликка чақирганди.
