Апрел ойидан электр нархи қанчага ошиши маълум бўлди
Бир хонадонга мўлжалланган 200 киловаттлик ижтимоий норма 600 сўмдан этиб белгиланади.
Жамият
24 февраль, 18:03
"Ҳудудий электр тармоқлари" 2025 йил 1 апрелдан электр энергияси учун янги нархларни эълон қилди.
Унга кўра, бир хонадонга мўлжалланган 200 киловаттлик лимит 600 сўмдан этиб белгиланади. Амалдаги нарх 450 сўмни ташкил этади.
Агар фойдаланилган миқдор 200 киловаттдан ошса 1000дан тўланади (амалдаги нарх 900 сўм).
Фойдаланилган электр 1000 киловаттдан ошса 1500 сўмдан нархланади. 10 минг киловатт ва ундан ошиқ миқдор учун тўлов 2 минг сўмни ташкил этади (ҳар бир киловатт учун).
Эслатиб ўтамиз, Иқтисодиёт ва молия вазири Жамшид Қўчқоров апрел ойидан электр ва газ нархи ошишини маълум қилганди.
