Ўзбекистонда бир йилда 2,9 млн тонна гўшт етиштирилди
Ҳудудлар кесимида Қашқадарё вилояти етакчилик қилмоқда: 345,9 минг тонна.
2024 йилда Ўзбекистонда 2,9 млн тонна гўшт (тирик вазнда) етиштирилган.
Статистика агентлигининг дастлабки маълумотларига кўра, 2024 йилда қишлоқ, ўрмон ва балиқчилик хўжалиги маҳсулот (хизмат) ларининг умумий ҳажми 467 трлн сўмни ташкил этган.
Бу кўрсаткич 2023 йилнинг мос даври билан солиштирилганда 3,1 фоизга кўп.
2024 йилда барча тоифадаги хўжаликлар томонидан етиштирилган маҳсулотлар ҳажми:
— гўшт (тирик вазнда) – 2,9 млн тонна
— сут – 12,4 млн тонна
— тухум – 8,8 млрд дона
— сабзавотлар – 12 млн тонна.
Ҳудудлар кесимида етиштирилган гўшт ҳажми бўйича етакчи вилоятлар:
— Қашқадарё вилояти – 345,9 минг тонна;
— Самарқанд вилояти – 326,9 минг тонна;
— Бухоро вилояти – 312,7 минг тонна;
— Тошкент вилояти – 312,3 минг тонна.
