Трамп Канада ва Мексикага қарши "савдо уруши"ни вақтинча тўхтатди
Хитой эса Қўшма Штатлардан импорт қилинадиган кўмир ва суюлтирилган газга 15 фоизлик бож қўйишини эълон қилди.
Канада бош вазири Жастин Трюдо Канада импортига қўйилган АҚШ тарифлари вақтинча тўхтатилганини маълум қилди.
Бу ҳақда Канада бош вазири АҚШ президенти билан телефон мулоқотидан сўнг маълум қилди.
Жастин Трюдо, шунингдек, АҚШ-Канада чегарасида назорат кучайтирилишини маълум қилди.
Ҳозирча бу мавзу бўйича АҚШдан ҳеч қандай баёнот йўқ: Трампнинг ўзи сўнгги соатда журналистлар саволларига жавоб берар экан, Трюдо билан суҳбат яхши ўтганини айтди.
Трамп шунингдек, Мексикага тарифлар ҳам бир ойга кечиктирилганини маълум қилган.
Расмий Пекин ҳам АҚШга қарши чора кўришни бошлади.
Хитой Қўшма Штатлардан кўмир ва суюлтирилган газга 15 фоизлик бож қўяди, дея маълум қилди Давлат кенгаши.
Пекин, шунингдек, АҚШдан нефт ва қишлоқ хўжалиги техникасига 10 фоизлик бож жорий этишга қарор қилди.
