АҚШ савдо "уруши"ни бошлади
Трамп Канада, Хитой ва Мексикани нишонга олди.
АҚШ Хитой, Канада ва Мексикадан келган товарларга бож қўйишини маълум қилди.
Уч мамлакат бу қарордан ўз норозилигини билдирди.
Кеча Оқ уй Канада ва Мексика учун 25% ва Хитой учун 10% тарифларни эълон қилди. Бунга жавобан Хитой Пекин "қарордан ўта норози эканини ва қатъий қаршилигини" айтди.
Хитой ЖСТда АҚШга қарши даъво қўзғатишга ваъда берди.
Мексика президенти Клаудия Шейнбаум Қўшма Штатларни айблаб, жавоб чораларини, жумладан, тарифли ва тарифсиз чораларни эълон қилди.
Канада Бош вазири Жастин Трюдонинг айтишича, канадаликлар "энг яқин дўстлари ва қўшнилари уларни нишонга олишгани" дан ҳайратда қолишган.
Трюдо, шунингдек, жавоб чораларини, жумладан энергия манбаларига киришни чеклашни ҳам эълон қилди.
Доналд Трамп ҳокимиятга келишидан аввал ушбу мамлакатларга қарши савдо уруши олиб боришини айтганди.
Сайлов кампанияси вақтида Трамп Хитойдан келаётган товарларга 60 фоизгача божхона божлари жорий этиш билан таҳдид қилган, бироқ Оқ уйга қайтиб келгач, маъмуриятга бу масалани ўрганишни буюрган.
Айни пайтда Пекин савдо урушининг кучайиши мумкинлигидан хавотир билдирди. Давосда сўзга чиққан Хитой Бош вазири ўринбосари Динг Сюесян Хитой ўз савдо муносабатларига содиқ эканини ва импортни кенгайтириш тарафдори эканини айтди. Бироқ, Қўшма Штатлар муроса қилишга тайёр эмас. АҚШнинг Хитойдан импорти 2018 йил даражасида қолмоқда, иқтисодчилар буни Трампнинг биринчи муддати давомида жорий қилган бир қатор тарифлари билан изоҳлашади.
