Қирғизистон ва Ўзбекистон ўзаро маҳкумлар алмашади
Айни дамда қўшни давлатда 97 нафар ўзбекистонлик жазо ўтаётгани маълум қилинган.
Жамият
31 январь, 10:55
Қирғизистон ва Ўзбекистон жазо муддатини ўтаётган фуқароларни бир-бирларига топширади.
Қонун лойиҳаси Қирғизистон Жогорку Кенеши томонидан учинчи ўқишда қабул қилинди.
Қирғизистон Бош прокурор ўринбосари Умуткан Қўнкубоева депутатларга Ўзбекистонда Қирғизистоннинг 42 нафар фуқароси, Қирғизистонда эса 97 нафар ўзбекистонлик жазо ўтаётгани ҳақида маълумот берди.
Бу фуқароларнинг барчаси ўз ватанларида жазони ўташда давом этади.
Мамлакатлар ўртасида маҳкумларни алмашиш бўйича келишув 2024 йилнинг 18 июлида Тошкент шаҳрида иимзоланган.
