Тошкент вилоятида маҳкум девор босиб қолиши оқибатида вафот этди
Ҳозирда Тошкент махсус прокуратураси тергов ҳаракатлари олиб бормоқда.
Тошкент вилоятида маҳкум девор босиб қолиши сабаб вафот этди.
2025 йил 11 феврал куни 7-сонли жазони ижро этиш колониясида жазо муддатини ўтаган маҳкум Мустафа Турсинбаев бир қаватли бинонинг деворларини бузаётган вақтида девор қисми қулаб, босиб қолган.
Маҳкум М.Турсинбаев зудлик билан шифохонага жойлаштирилган.
Бироқ, шифокорлар томонидан кўрсатилган тиббий муолажаларга қарамасдан маҳкум М.Турсинбаев 16 февраль куни шифохонада вафот этган, дейилади Бош прокуратура хабарида.
Мазкур ҳолат бўйича Жиноят кодексининг 257-моддаси (Меҳнатни муҳофаза қилиш қоидаларини бузиш) билан жиноят иши қўзғатилган.
Ҳозирда Тошкент махсус прокуратураси томонидан тергов ҳаракатлари олиб борилмоқда.
Аввалроқ Олмалиқда ҳам бошқа маҳкум вафот этгани маълум бўлганди.
