platina.uz

Абдулла Арипов Олмаотадаги муҳим тадбирларда қатнашди

Қозоғистонда "Digital Almaty 2025" халқаро рақамли форумининг ялпи мажлиси бўлиб ўтди. 

Жамият
31 январь, 15:06
Абдулла Арипов Олмаотадаги муҳим тадбирларда қатнашди

30-31 январ кунлари Ўзбекистон Бош вазири Абдулла Арипов Олмаота шаҳрига амалий ташриф билан борди.

Қозоғистон Республикасига ташриф дастурида бош вазир Евроосиё ҳукуматлараро кенгаши мажлисида кузатувчи мақомида қатнашиши, “Digital Almaty 2025” халқаро рақамли форумининг ялпи мажлисида нутқ сўзлаши ҳамда бошқа давлатлар ҳукумат раҳбарлари билан икки томонлама учрашувлар ўтказиши режа қилинганди.

31 январ куни вазири Абдулла Арипов Қирғиз Республикаси Вазирлар Маҳкамаси Раиси - Президент Администрацияси Раҳбари Адилбек Касималиев билан икки томонлама учрашув ўтказди.

Мамлакатлар ўртасидаги дўстлик ришталари ва яхши қўшничиликка асосланган кенг қамровли стратегик шериклик муносабатлари жадал ривожланиб бораётгани, муҳим қўшма лойиҳалар амалга оширилаётгани таъкидланди.

Сўнгра "Digital Almaty 2025" халқаро рақамли форумининг ялпи мажлиси бўлиб ўтди.

Унда Қозоғистон, Қирғизистон, Озарбайжон, Россия, Беларус, Эрон Бош вазирлари, Арманистон Бош вазирининг ўринбосари ва бошқалар қатнашди. Мажлисда Ўзбекистон Бош вазири Президент Шавкат Мирзиёев бошчилигида рақамлаштиришни жадаллаштириш ва ижтимоий-иқтисодий соҳаларга замонавий технологияларни жорий қилиш, юртимизни сунъий идрок технологияларидан фойдаланувчи дунёнинг етакчи давлатлари қаторига киришига эришиш борасида олиб борилаётган ислоҳотлар ҳақида тақдимот қилди.

Шунингдек, рақамлаштириш ва сунъий интеллектнинг долзарб масалалари, шу жумладан, мазкур йўналишда ўзаро манфаатли ҳамкорликни янада кенгайтириш истиқболлари тўғрисида атрофлича фикр алмашилди.

© 2025 Platina.uz. Барча ҳуқуқлар ҳимояланган. «Platina.uz» сайтида жойланган маълумотлар муаллифнинг шахсий фикри. Сайтда жойланган ҳар қандай материаллардан ёзма рухсатсиз фойдаланиш тақиқланади.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 02.12.2022 санасида №051412 сонли гувоҳнома билан ОАВ сифатида рўйхатга олинган.
Platina.uz сайтида реклама жойлаштириш масаласида +998 97 022 01 10 телефон рақамига (Telegram: Platina PR) мурожаат қилинг. Таҳририят билан алоқа: info@platina.uz
18+