Тадбиркорликда давлат назорати бўйича рейтинг эълон қилинди
Мактабгача ва мактаб таълими вазирлиги, Солиқ қўмитаси, Адлия вазирлиги, Кадастр агентлиги, ИИВ, ФВВ ва қатор ташкилотлар натижаси "қониқарсиз" дея топилди.
Тадбиркорлик соҳасидаги давлат назорати органлари фаолияти баҳоланди.
Бизнес-омбудсман ахборот хизмати тадбиркорлик субъектларида давлат назорати соҳасида фаолият юритаётган органларнинг самарадорлигини баҳолади.
Рейтинг уч тоифага ажратилди: “яхши” (80–100 балл), “қониқарли” (55–80 балл) ва “қониқарсиз” (55 баллдан паст).
Энг яхши баҳоланган органлар (80+ балл) қаторида Ҳисоб палатаси (95), Дин ишлари қўмитаси (90), Фуқаро авиацияси агентлиги (90), Ўзархив агентлиги, Миграция агентлиги АОКА ва бошқа бир қатор ташкилотлар бор.
Қониқарли деб топилган органлар орасида Автобаҳолаш ва телекоммуникация назорати инспекцияси (75), Санитария ва эпидемиология хизмати (70), Марказий банк (65), Божхона қўмитаси, Қурилиш вазирлиги кабилар қайд этилган.
Энг паст баҳоланган, “қониқарсиз” деб топилган органлар орасида Солиқ қўмитаси, Туризм қўмитаси, Адлия вазирлиги, Кадастр агентлиги, ИИВ, ФВВ, Олий таълим, фан ва инновациялар вазирлиги ва бошқа ташкилотлар ўрин олган.
Ушбу баҳолаш Ўзбекистон Республикаси Президентининг “Тадбиркорлик фаолиятини ҳимоя қилиш ва қонуний инфратузилмани ривожлантириш” чора-тадбирлари доирасида амалга оширилган.
