platina.uz

Феврал ойи учун тахминий об-ҳаво маълумоти тақдим этилди

Бу йил қишнинг сўнгги ойи 6-7 кун давомида сақланиб турадиган қуруқ об-ҳаво билан бошланади. 

Жамият
30 январь, 14:35
Феврал ойи учун тахминий об-ҳаво маълумоти тақдим этилди

Жорий йилнинг феврал ойида Ўзбекистон аҳолисини қандай об-ҳаво кутмоқда? "Ўзгидромет" бу ҳақда маълумот берди.

Бу йил феврал ойи 6-7 кун давомида сақланиб тарадиган қуруқ об-ҳаво билан бошланади.

Ушбу давр бошида ҳаво ҳарорати кечалари 0-5 даража совуқ, кундуз кунлари 3-8 даража илиқ атрофида бўлади. 6-7 феврал кунларига келиб, нисбатан илиқлашади, кундуз кунлари ҳаво 12-15 даража илиққача, шимолда 5-8 даража илиққача исийди.

Кейинчалик, ойнинг охиригача, ҳарорат кечалари 2-7 даража илиқдан 3-8 даража совуққача, кундуз кунлари 10-15 даража илиқдан 0-5 даража илиққача, шимолда кечалари 2 даража совуқ-3 даража илиқдан 8-13 даража совуққача, кундуз кунлари 5-10 даража илиқдан 0-5 даража совуққача ўзгариб туриши кутилмоқда.

Республика ҳудуди бўйича биринчи ўн кунлик охирида асосан ёмғир кўринишидаги ёғингарчилик бўлади.

Иккинчи ва учинчи ўн кунликларда ҳар ўн кунликда 2-3 кундан ёғингарчилик (ёмғир, қор) бўлиши кутилмоқда.

Феврал ойида республика ҳудуди бўйича ойлик ёғингарчилик миқдори ўртача кўп йиллик қийматлардан кўп бўлмайди.

© 2025 Platina.uz. Барча ҳуқуқлар ҳимояланган. «Platina.uz» сайтида жойланган маълумотлар муаллифнинг шахсий фикри. Сайтда жойланган ҳар қандай материаллардан ёзма рухсатсиз фойдаланиш тақиқланади.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 02.12.2022 санасида №051412 сонли гувоҳнома билан ОАВ сифатида рўйхатга олинган.
Platina.uz сайтида реклама жойлаштириш масаласида +998 97 022 01 10 телефон рақамига (Telegram: Platina PR) мурожаат қилинг. Таҳририят билан алоқа: info@platina.uz
18+