Улуғбек Раҳимов Андижон вилояти ҳокими ўринбосари этиб тайинланди
Тайинловга қадар у вилоят ҳокимининг қишлоқ ва сув хўжалиги масалалари бўйича котибияти мудири сифатида ишлаган.
Раҳимов Улуғбек Одашевич Андижон вилоят ҳокимининг қишлоқ ва сув хўжалиги масалалари бўйича ўринбосари - вилоят қишлоқ хўжалиги бошқармаси бошлиғи вазифасини бажарувчиси этиб тайинланди. Бу ҳақда вилоят ҳокимлиги хабар берди.
Улуғбек Раҳимов 1971 йили Пахтаобод туманида туғилган.
Наманган саноат-технология институти ва република Президенти ҳузуридаги Давлат ва жамият қурилиши академиясида таҳсил олган.
Хизмат фаолиятини 1994 йили Ўзбекистон Ёшлар иттифоқининг Пахтаобод тумани қўмитасида бошлаган. 2000 йилдан то шу кунга қадар қишлоқ хўжалиги соҳасининг турли йўналишларида самарали хизмат қилиб келмоқда.
Тайинловга қадар Андижон вилоят ҳокимининг қишлоқ ва сув хўжалиги масалалари бўйича котибияти мудири вазифасида фаолият олиб борган.
У декабр ойида вафот этган Авазбек Эргашев ўрнини эгаллаган.
