Кредит тарихини олишга чеклов ўрнатиш пуллик бўлди
Аввалроқ Platina.uz президент фармони билан бекор бўлиб кетган хизматлар ҳам пулланаётгани ҳақида хабар берганди.
"Кредит-ахборот таҳлилий маркази" кредит бюроси 2025 йил 1 январдан кредит тарихи текширилишини чеклаш хизмати учун базавий ҳисоблаш миқдорининг (БҲМ) 0,03 бараварида (ҚҚСни ҳисобга олмаган ҳолда) тўлов олинмоқда.
Ягона интерактив давлат хизматлари президент фармони билан бекор бўлиб кетган бюрократик хизматлар учун ҳам ҳақ ундираётгани ҳақида аввалроқ ёзгандик.
Кредит ахбороти субъектлари (жисмоний шахслар) ўзларига тегишли кредит тарихи маълумотларини кредит ахборотидан фойдаланувчилар томонидан (янги кредит буюртмалари бўйича) "КАТМ" кредит бюросидан олинишини чеклаб (тақиқлаб) қўйишлари мумкин бўлган FREEZE хизмати ўтган йили июнда синов тариқасида ишга туширилганди.
