Трамп қасамёд қилди ва муҳим баёнотлар билан чиқди

20 январ куни АҚШда янги президент Доналд Трамп қасамёд қабул қилди.

У инаугурация давомида қатор муҳим баёнотлар билан чиқди.

Жумладан, мигрантларнинг ноқонуний кириши зудлик билан тўхтатилади, “жиноят унсурлари”ни депортация қилиш бошланади, АҚШ-Мексика чегарасида фавқулодда ҳолат эълон қилинади;

-АҚШда фақат иккита жинс расман тан олинади: эркак ва аёл;

-Энергетика соҳасида фавқулодда ҳолат эълон қилинади ва АҚШ нархларни пасайтириш учун нефт ва газни кенг кўламли ишлаб чиқаришни бошлайди.

-Мексика кўрфази номи Америка кўрфази деб ўзгартирилади;

-Америка Панама каналини “қайтиб олади”;

-Америкалик астронавтлар Марсга АҚШ байроғини ўрнатадилар.

Ўз тарафдорлари олдида Трамп 10 га яқин фармонни имзолади, жумладан, улар АҚШни иқлим бўйича Париж келишувидан чиқариш ва ўзидан олдинги президент Жо Байденнинг 78 та буйруғини бекор қилиш оиддир.

Шунингдек, Доналд Трамп 2021 йил январида Капитолийга бостириб кирган 1500 дан ортиқ одамни афв этди.

Фармон Трамп АҚШнинг 47-президенти сифатида ташриф буюрган Оқ уйнинг Овал кабинетида имзоланди.