Сурхондарё вилоятида Startup Garage филиали очилди
AloqaBank, AloqaVentures ва Startup Garage ташаббуси билан ташкил этилган мазкур лойиҳанинг филиаллари Ўзбекистоннинг барча ҳудудларида ёш тадбиркорлар ва стартапларни қўллаб-қувватлашга йўналтирилган.
Бизнес
17 январь, 12:31
18 январь куни Сурхондарё вилоятида Startup Garage’нинг Термиз филиали тантанали равишда очилди.
Очилиш дастуридан қуйидагилар ўрин олди:
- Startup Garage томонидан стартапларга яратиладиган имкониятлар ва кўрсатиладиган хизматлар тақдимоти;
- AloqaVentures вакиллари томонидан инвестиция жалб қилиш имкониятлари ва ҳамкорлик шартлари бўйича маълумотлар;
- Муваффақиятга эришган стартап асосчиларининг тажриба алмашинуви;
- Startup Garage резиденти бўлишни истаган стартаплар учун питч сессияси;
- Соҳа мутахассислари, стартаплар, тадбиркорлар ва меҳмонлар билан networking.
Startup Garage’нинг асосий моҳияти ва мақсади:
- маҳаллалардаги ёшларнинг стартап ғояларини қўллаб-қувватлаш, ғояларни бизнесга айлантириш, малакасини ошириш ва “кичкина ишлаб турган дастур” (MVP) даражасига етказиш;
- менторлик хизматларини кўрсатиш;
- офис ва техник инфратузилма билан таъминлаш;
- лойиҳаларни банк экотизимига интеграциясини таъминлаш;
- лойиҳаларни ҳуқуқий томондан қўллаб-қувватлаш;
- инвестиция жалб қилишга кўмаклашиш;
- лойиҳаларни ички ва ташқи бозорларда кенгайтиришга ёрдам бериш;
- маркетинг таҳлили ва лойиҳаларнинг техник экспертизадан ўтказишга ёрдам бериш.
Бугунги кунга қадар Startup Garage доирасида 50 дан ортиқ стартап муваффақиятли фаолият юритиб келмоқда. Эндиликда унинг филиаллари тез орада республиканинг барча ҳудудларида ўз фаолиятини бошлаши кутилмоқда.
