Ўзбекистонда илк бор UzChess Cup халқаро шахмат мусобақаси бошланди

Ўзбекистонда илк бор жаҳоннинг экстроклассдаги 10 нафар етакчи шахматчилари ўртасида UzChess Cup халқаро шахмат мусобақаси ўтказилмоқда.

Мусобақанинг очилиш маросими Ёшлар ишлари агентлиги, Shakespear мажмуасида 6 июнь куни бўлиб ўтди. Президент қарори ижросини таъминлаш мақсадида 5-15 июн кунлари Ўзбекистонда илк бор жаҳоннинг экстроклассдаги 10 нафар етакчи шахматчилари ўртасида умумий мукофот жамғармаси 166 000 АҚШ долларини ташкил этган UzChess Cup халқаро шахмат мусобақаси бўлиб ўтади.

Бундан мақсад мамлакатда шахмат спортини янада кенгроқ тарғиб қилиш ва ёшларни спорт мусобақаларига оммавий равишда жалб қилиш, ўзбекистонлик шахматчиларнинг билим ва тажрибаларини янада ривожлантириш, уларни муносиб рағбатлантириш учун зарур шарт-шароитларни яратиш, ҳаваскорлар ва ёш шахматчиларнинг спорт малакаларини ошириш.  

Ёшлар ишлари агентлиги ҳамда АлоқаБанк ҳомийлиги остида ўтказилаётган ушбу турнир бошқаларидан анча қизиқарли бўлиши кутилмоқда. Маълумот учун, Нодирбек Абдусатторов АлоқаБанк расмий амбассадори ҳисобланади.

Турнир учта гуруҳда:

• Masters гуруҳи FIDE рейтинги 2700 ва ундан юқори бўлган шахматчилар;
• Challengers гуруҳи FIDE рейтинги 2600 ва ундан юқори бўлган шахматчилар;
• Futures гуруҳи FIDE рейтинги 2500 ва ундан юқори бўлган шахматчилар ўртасида ўтказилади.

Masters гуруҳида ғолиб ва совриндорлар қаторига кира олмаган шахматчилар 5 000 доллар миқдорида пул мукофоти билан тақдирланaди. Challengers гуруҳида ғолиб ва совриндорлар қаторига кира олмаган шахматчилар  2 000 доллар миқдорида пул мукофоти билан рағбатлантирилaди.

Турнир ташкилотчилари: Ёшлар ишлари агентлиги, Ўзбекистон шахмат федерацияси ва Ёшлар ишлари агентлигининг Uzchess лойиҳаси

Турнир бош ҳомийлари: АлоқаБанк, Uzbekistan Airways