Ўзбекистонда хизмат кўрсатган маданият ходими Ҳаётхон Ортиқбоева вафот этди

Ўзбекистонда хизмат кўрсатган маданият ходими, таниқли шоира ва жамоат арбоби Ҳаётхон Ортиқбоева вафот этди.

Бу ҳақда Ёзувчилар уюшмаси хабар берди.

Ҳаётхон Ортиқбоева кўп йиллардан буён Ўзбекистон Ёзувчилар уюшмасининг Сирдарё вилояти бўлимига раҳбарлик қилган.

У “Сирдарё ҳақиқати” газетасида узоқ йиллар бўлим мудири, бош муҳаррир ўринбосари лавозимида ҳам ишлаган.

Шоиранинг “Феруза оқшомлар”, “Кўклам эртаклари”, “Ҳумолари қайтган юрт” каби бир нечта китоблари нашр этилган. “Эл-юрт ҳурмати” ордени соҳибаси.