Путин миграция соҳасида назоратни кучайтиришни буюрди

Россия президенти Владимир Путин миграция соҳасидаги вазиятни назорат остида ушлаб туришни топширди.

Миграция соҳасидаги вазият назорат остида бўлиши керак, деди Россия президенти Владимир Путин Россия Федерацияси Бош прокуратураси коллегиясида.

"Мен ҳамкасблардан жиноятга қарши қўшимча, профилактика ва бошқа чора-тадбирлар тизимини ўйлаб кўришни сўрайман. Жумладан, назорат, миграция соҳасидаги қонун устуворлигига риоя қилиш - бу соҳадаги вазият жуда муҳим ва миллионлаб одамларни безовта қилади ва назорат остида бўлиши керак", — деди президент.

Россия Федерацияси бош прокурори Игор Краснов 2023 йилда мигрантлар томонидан содир этилган жиноятлар сони 75 фоизга ошганини маълум қилди.

Лекин статистика бунинг аксини кўрсатмоқда. Расмий статистикага мувофиқ, 2023 йил давомида чет элликлар ва фуқаролиги бўлмаган шахслар томонидан жами 30,2 мингта жиноят содир этилган — бир йил аввалгидан 9 фоиз кам. МДҲ (Россияни ҳисобга олмаганда) фуқаролари содир этган жиноятлар сони эса 7 фоиз камайган.

Эслатиб ўтамиз, 22 мартдаги терактдан сўнг, Россияда мигрантлар нисбатан текширув кучайгани айтилмоқда. Россияда энг кўп миқдорда ўзбекистонлик мигрантлар меҳнат қилади.

Аввалроқ Ташқи меҳнат миграцияси агентлиги Россиядаги фуқароларни огоҳлантирганди.