Узоқ Шарқда қийин вазиятга тушиб қолган бир гуруҳ ўзбекистонликлар ортга қайтарилди
Владивосток ва Хабаровскда оғир моддий аҳволда қолган ушбу шахсларнинг йўл харажатлари Миграция агентлиги жамғармаси ҳисобидан қопланган.
Россиянинг Узоқ Шарқида қийин вазиятга тушиб қолган бир гуруҳ фуқаролар Ўзбекистонга қайтарилди.
Бу ҳақда “Дунё” агентлиги хабар берди. Владивосток ва Хабаровскда оғир моддий аҳволда қолган ушбу шахсларнинг йўл харажатлари Миграция агентлиги жамғармаси ҳисобидан қопланган.
Уларнинг орасида 4 та вояга етмаган фарзанди билан самарқандлик аёл ҳам бор.
Ноқонуний юргани сабабли суд уни депортация қилиш ва унгача вақтинча сақлаш марказида тутиб туриш бўйича қарор чиқарган.
Бош консулхонанинг кўмаги билан мазкур оиланинг муаммоси ижобий ҳал этилган.
