“Ўзавтосаноат” раисининг сотув ва маркетинг бўйича ўринбосари тайинланди

Сахапов Александр Александрович “Ўзавтосаноат” АЖ Бошқарув раисининг сотувни ривожлантириш ва маркетинг бўйича ўринбосари лавозимига тайинланди. Бу ҳақда Platina.uz манбаси хабар бермоқда. 

Сахапов декабр ойида ишдан олинган Сардор Таджиев ўрнига лавозимга тайинланган. Таджиев онлайн навбатдаги носозликлар асносида ишдан кетганди. Сахапов аввал UzAuto Motors компаниясининг Молиявий масалалар бўйича бошқарув директори лавозимида ҳам ишлаган. 

Эслатиб ўтамиз, аввалроқ Чирчиқ шаҳрининг собиқ ҳокими Даврон Ҳидоятов “Ўзавтосаноат” АЖ Бошқарув раисининг инновация ва инвестициялар бўйича ўринбосари лавозимига тайинланганди.