Исроил фаластинликлар ўрнига хориждан қурилиш ишчиларини олиб келмоқчи
Рўйхатда Ўзбекистон ҳам бор.
Исроил ҳукумати 7 октябрдан бери тўхтаб қолган қурилиш ишларини қайта бошлаш учун Ҳиндистон, Шри-Ланка ва Ўзбекистондан 65 минг хорижлик ишчи олиб келишини билдирди. Ғазодаги уруш сабаб минглаб фаластинлик ишчилар ортига қайтариб юборилган.
Урушдан аввал 72 000 га яқин фаластинлик ишчилар Исроилдаги қурилиш майдонларида ишлаган, сўнгра ҳукумат уларни ишдан бўшатиб, мамлакатдан чиқариб юборди.
Ҳозирда Исроилда 20 000 га яқин хорижлик ишчилар қолмоқда, аммо ишчи кучи танқислиги сабабли мамлакатдаги қурилиш майдонларининг деярли ярми ёпилган.
Уй-жой вазирлиги вакилининг сўзларига кўра, келгуси ҳафталарда чет эллик ишчиларнинг янги гуруҳлари келиши кутилмоқда, чунки ҳукумат фоиз ставкалари пасайишни бошлагани сабабли, кўчмас мулк нархларини қайта тиклашда ёрдам берадиган таъминотни тўсиб қўймасликка ҳаракат қилмоқда.
Охирги 24 соат ичида Ғазода Исроилнинг ҳужумлари оқибатида камида 127 киши ҳалок бўлиб, 178 киши яраланган.
7 октябрдан бери Ғазода жами 27 365 фаластинлик ҳалок бўлган, 66 630 нафари яраланган.
Эслатиб ўтамиз, музокаралар, ўт очишни тўхтатиш бўйича мунозаралар натижа бермаяпти.
Аввалроқ Исроил ва Ливан ўртасида кескинлик юз бериши айтилганди.
