Сирдарё ҳокими қарзлар тўлови учун қарийб 3,5 млрд. сўм ажратди

Сирдарё вилояти ҳокими Акмалжон Маҳмудалиев фармойиши билан маҳаллий бюджетдан 3 млрд. 454 млн. сўм маблағ ажратилди.

Маблағлар вилоятда амалга оширилган қатор қурилиш ва ободонлаштириш ишлари натижасида юзага келган қарздорликларни ёпишга сарфланади.

Ушбу пуллар вилоят бюджети эркин маблағлари ҳисобидан "Ягона буюртмачи хизмати" ДУКка ажратилади.

Давлат молиявий назорати вилоят бошқармаси пулларнинг сарфланишини назорат қилади.

Аввалроқ адлия вазири Акбар Тошқулов маблағ ажратиш бўйича буйруқни имзолаганди.