Бахти Ташкентскийнинг акаси қидирувга берилди
Унинг ўзи ўтган йили декабрда ушланганди.
![Бахти Ташкентскийнинг акаси қидирувга берилди](https://cp.platina.uz/media/CACHE/images/IMG_20240210_204046_266.95b9eff7797f.webp)
Бахти Ташкентский номи билан машҳур бўлган Бахтиёр Қудратуллаевнинг акаси Шуҳрат Қудратуллаев қидирувга берилди. Бу ҳақда пойтахт ИИББ хабар бермоқда.
Тошкент шаҳар ИИББ ҳузуридаги Тергов бошқармаси томонидан Жиноят кодексининг 165-моддаси (Товламачилик) билан тергов қилинаётган жиноят иши доирасида терговдан қочиб яширинган қуйидаги шахс қидирилмоқда:
1) 1964 йилда туғилган Исамитдинов Хусан Хашимович;
2) 1966 йилда туғилган Қудратуллаев Шухрат Запарович;
3) 1988 йилда туғилган Вапаев Феруз Мухамматсалаевич.
"Ҳурматли фуқаролар! Агар Сиз ушбу шахсларнинг қаерда эканлиги ҳақида бирор маълумотга эга бўлсангиз Тошкент шаҳар ИИББнинг 71-206-45-69, 71-206-49-46 ёки 102 рақамларига ёҳуд 99-370-73-94 телеграм рақамига мурожаат қилишингизни сўраймиз. Мурожаатчининг шахси сир сақланиши кафолатланади" дейилади ИИББ хабарида.
Эслатиб ўтамиз, Бахти Ташкентскийнинг ўзи 2023 йил декабрида қўлга олинганди.