Қудратилла Рафиқов сузиш федерацияси раиси этиб сайланди

Қудратилла Рафиков Ўзбекистон сузиш федерацияси раиси этиб сайланди.

Ўзбекистон сузиш федерациясининг навбатдан ташқари ҳисобот-сайлов конференцияси бўлиб ўтди. Кун тартибидан федерацияга янги раҳбар сайлаш масаласи ўрин олди.

Федерациянинг аввалги раҳбари Қувондиқ Санақулов мамлакат гандбол федерацияси бошқарувига ўтганини инобатга олган ҳолда, сузиш федерацияси раҳбари лавозимига Ўзбекистон касаба уюшмалари федерацияси раиси Рафиков Қудратилла Мирсагатович номзоди илгари сурилди.

Тадбирда қатнашган делегатлар ушбу номзодни бир овоздан маъқуллашди ва Қудратилла Рафиқов мамлакат сузиш федерацияси раиси этиб сайланди.