Диёра Келдиёрова икки ярим йиллик танаффусдан сўнг катта спортга қайтмоқда
Келдиёрова Aktau Asian Open 2026 мусобақасининг энг юлдузли иштирокчиси бўлиб, амалдаги Олимпиада чемпиони сифатида тилла ранг ёзувли кимонода татамига чиқади.
17-18 октябрь кунлари Қозоғистоннинг Актау шаҳрида дзюдо бўйича Aktau Asian Open 2026 турнири бўлиб ўтади.
Айнан шу мусобақада икки ярим йиллик танаффусдан сўнг Париж-2024 Олимпиадаси чемпиони Диёра Келдиёрова иштирок этади. Ҳамюртимиз учун бу Олимпия ўйинларидан кейинги илк турнир бўлади.
Келдиёрова Aktau Asian Open 2026 мусобақасининг энг юлдузли иштирокчиси бўлиб, амалдаги Олимпиада чемпиони сифатида тилла ранг ёзувли кимонода татамига чиқади.
Қуръа натижасига кўра, Диёра ўз иштирокини тўғридан-тўғри иккинчи босқичда қозоғистонлик Нурайлим Сарсенбекка қарши учрашув билан бошлайди.
Умуман олганда, Актау турнирида 7 давлатнинг жами 182 нафар дзюдочиси медаллар учун баҳсларга киришади. Улар орасида ўзбекистонлик 25 нафар дзюдочи ҳам бор.
