Билл Клинтон шифохонага ётқизилди
Айни пайтда 78 ёшни қаршилаган сиёсатчи 1993-2001 йилларда АҚШни бошқарган.
АҚШ собиқ президенти Билл Клинтон юқори иситма билан Вашингтондаги шифохонага ётқизилди, деб хабар бермоқда NBC News.
78 ёшли Клинтон тест ва кузатув учун MedStar Жоржтаун университети шифохонасига юборилди, деди собиқ президент маъмурияти раҳбари ўринбосари Анхел Уреня.
"Унинг кайфияти яхши ва кўрсатилаётган ғамхўрлик учун миннатдор", - дея қўшимча қилди у.
Клинтонга яқин NBC манбасининг айтишича, шифохонага ётқизиш фавқулодда ҳолат эмас.
“Собиқ президент билан ҳаммаси яхши бўлади. Унинг иситмаси кўтарилганда, текширувдан ўтишни хоҳлади. У онгли ва кучга тўла", дейилади хабарда.
Билл Клинтон 1946 йилда туғилган, у 1993-2001 йилларда АҚШни бошқарган.
