Актриса Шафоат Раҳматуллаева вафот этди

Ўзбекистон халқ артисти, театр ва кино актрисаси Шафоат Раҳматуллаева 83 ёшда вафот этди.

Бу ҳақда Маданият вазирлиги хабар берди.

Шафоат Раҳматуллаева 1941 йилнинг 4 январида Қўқон шаҳрида дунёга келган. У кўп йиллар давомида театр соҳасида фаолият юритиб келган. Шунингдек, кинофильмларда турли ролларни ҳам ижро этган.

Жумладан, актриса "Севгинатор", "Масхарабоз", "Ўзимдан ўзимгача" ва бошқа филмларда рол ижро этган.