Актриса Нилуфар Ҳамидова 7 суткага қамалди
Аввалроқ Нилуфар Ҳамидованинг кўча ва бекат атрофида тасвирга олган видеоси ижтимоий тармоқларда эътирозларга сабаб бўлганди.
Актриса Нилуфар Ҳамидова 7 сутка маъмурий қамоқ жазосига ҳукм қилинди. Бу ҳақда Тошкент шаҳар судлари матбуот хизмати хабар берди.
Маълум қилинишича, 5 ноябрь куни жиноят ишлари бўйича Юнусобод тумани судида 1978 йилда туғилган Н.Ҳ.га нисбатан маъмурий ҳуқуқбузарлик тўғрисидаги иш кўриб чиқилган.
Суд қарорига кўра, у Маъмурий жавобгарлик тўғрисидаги кодекснинг 183-моддасида (майда безорилик) назарда тутилган ҳуқуқбузарликни содир этганликда айбдор деб топилиб, 7 сутка маъмурий қамоқ жазосига тортилган.
Аввалроқ Нилуфар Ҳамидованинг кўча ва бекат атрофида тасвирга олган видеоси ижтимоий тармоқларда эътирозларга сабаб бўлганди. Ҳолат юзасидан ички ишлар органлари суриштирув ўтказиб, блогернинг иши судга оширилган.
