Паркентда учта шер қафасдан чиқиб кетиб, қоровулнинг умрига зомин бўлди
Ҳозирда шерлар ушланиб, қафасларга жойлаштирилган. Мутахассислар текширув олиб бормоқда.
Жамият
17 декабрь 2024 йил
Паркентдаги ҳайвонот боғида шерлар қафасдан чиқиб кетиб, бир кишининг умрига зомин бўлди.
Паркентдаги “Lion Park”да шерлар қафасдан парк ҳовлисига чиқиб кетиб, қоровулга ташланган ва етказилган тан жароҳатлари сабабли қоровул воқеа жойида вафот этган. Шерларнинг сони учта бўлган.
Ҳозирда шерлар ушланиб, қафасга жойлаштирилгани айтилмоқда.
Содир бўлган мудхиш воқеа юзасидан прокуратура томонидан мутахассислар иштирокида текшириш ҳаракатлари олиб борилмоқда.
Натижаси ҳақида хабар берилади, дейилади Бош прокуратура хабарида.
