Жанубий Корея президентига импичмент эълон қилинди
Энди 180 кун ичида парламент қарори мамлакат Конституциявий суди томонидан кўриб чиқилиши ва тасдиқланиши лозим бўлади.
Жанубий Корея парламенти президент Юн Сок Ёлга қарши импичмент эълон қилди.
Юн Сок Ёлнинг импичменти учун 204 нафар депутат овоз берди. Импичмент учун камида 200 депутат қўллови керак эди.
Энди 180 кун ичида парламент қарори мамлакат Конституциявий суди томонидан кўриб чиқилиши ва тасдиқланиши керак, деб ёзади Yonhap.
Шу билан бирга, президент бу муддат учун аллақачон ўз вазифасидан четлатилади.
Эслатиб ўтамиз, аввалроқ Жанубий Корея президенти ҳарбий ҳолат жорий этиб, парламентни тарқатишга уринган эди.
Бу мамлакатда сиёсий инқирозни келтириб чиқарди. Юн Сок Ёл уушбу қарори учун халқдан узр сўради. Мамлакат собиқ мудофаа вазири эса қамоқда ўзини ўлдиришга уринди.
