Тошкентдаги завод 26,9 млрд сўмлик электрни ноқонуний ишлатгани маълум бўлди
Ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилган.
Тошкентда қарийб 27 млрд сўмлик электрни ноқонуний ишлатган завод аниқланди.
"Ўзенергоинспекция" Тошкент шаҳар ҳудудий бошқармаси, ДХХ, Бош прокуратура, Ички ишлар бошқармаси ва Иқтисодий жиноятларга қарши курашиш департамент ҳамкорлигида назорат тадбири ўтказилган.
Унда Яшнобод туманида жойлашган К.Y.А." МЧЖга қарашли метални қайта ишлаш заводининг электр ҳисоблагичига ташқи таъсир кўрсатилиб, электр энергиясидан ноқонуний фойдаланилганлиги аниқланди.
Ушбу қоидабузарлик натижасида дастлабки ҳисоб-китобларга кўра давлат манфаатларига 26 млрд 945 млн сўмлик зарар етказганлиги маълум бўлди.
Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
