Сирдарё ҳокими бир кунда пул ажратиш бўйича учта фармойиш чиқарди
Аҳолини асосий турдаги озиқ-овқат маҳсулотлари билан таъминлаш бўйича жамғармага 1,5 млрд сўм берилиши кўзда тутилган.
Сирдарё вилояти ҳокими Акмалжон Маҳмудалиев 4 декабр куни маблағ ажратиш бўйича учта фармойишни имзолади.
Биринчи фармойишда айтилишича, вилоят мусиқали драма театрини таъмирлаш учун маҳаллий бюджетнинг 3-чоракда режадан ошириб бажарилган қисмидан 750 млн сўм берилади.
Шунингдек, вилоят маҳаллий бюджетининг 1-чорак даромадларни режадан ошириб бажарилган қисми ҳисобидан 1500,0 (бир миллиард беш юз) миллион сўм маблағ ажратилади.
Пул вилоят ҳокимлиги ҳузуридаги "Аҳолини асосий турдаги озиқ-овқат маҳсулотлари билан таъминлаш захира жамғармаси"га ўтказиб бериш учун вилоят ҳокимлигига тақдим этилади.
Учинчи фармойишга кўра, "Ёшлар дафтари"га киритилган ёшларнинг ижтимоий-иқтисодий муаммоларини ҳал этиш мақсадида вилоят маҳаллий бюджетининг 1-чорак даромадларни режадан ошириб бажарилган қисми ҳисобидан 250 миллион сўм маблағ Сардоба тумани ҳокимлиги ҳузуридаги" Ёшлар дафтари"га киритилган ёшларни қўллаб-қувватлаш жамғармасига ўтказиб бериш учун вилоят ҳокимлигига ажратилади.
Аввалроқ Қашқадарёда бюджетдан 28 млрд сўм ажратилганди.
