Трамп сайловларда ғалаба қозонганини эълон қилди
Баъзи давлат раҳбарлари, жумладан, Украина президенти Владимир Зеленский, Венгрия бош вазири Виктор Орбан, Британия бош вазири Стармер, Сербия раҳбари Вучичлар Трампни табриклади.
АҚШ президентлигига номзод Доналд Трамп ўз тарафдорларига мурожаат ққилиб, сайловларда ғалаба қозонганини эълон қилди.
Ҳозирча Трамп ғалаба учун зарур 270 овоздан 267 тасини қўлга киритган.
Баъзи давлат раҳбарлари, жумладан, Украина президенти Владимир Зеленский, Венгрия бош вазири Виктор Орбан, Британия бош вазири Стармер, Сербия раҳбари Вучичлар Трампни табриклади.
"Президент Трамп билан сентябр ойида бўлиб ўтган ажойиб учрашувимизни эслайман, ўшанда биз Украина-Америка муносабатлари, стратегик шериклик, "ғалаба режаси" ва Россиянинг Украинага қарши тажовузкорлигини тўхтатиш йўлларини батафсил муҳокама қилган эдик. Мен президент Трампнинг глобал ишларга "куч орқали тинчлик" ёндашувига содиқлигини қадрлайман. Айнан шу тамойил Украинада адолатли тинчликни амалда яқинлаштириши мумкин. Умид қиламанки, биз буни биргаликда амалга ошира оламиз”, деб ёзди Зеленский Х тармоғидаги саҳифасида.
Сўнгги ҳисоб-китобларга кўра, Трампнинг сайловда ютиши деярли аниқ бўлган.
