Биткоин АҚШ сайловлари фонида рекорд даражада қимматлади
Криптовалюта биринчи марта 74 минг доллардан ошди. Бу Доналд Трампнинг муваффақияти билан боғлиқ экани айтилмоқда.
Биткоин криптовалютаси АҚШдаги сайловлар пайтида ўзининг тарихий рекордини янгилади.
Биткоин биринчи марта 74 минг доллардан ошди. Қўшма Штатларда давом этаётган сайловлар фонида унинг қиймати тез ўсиб бормоқда. Таҳлилчилар буни республикачи Доналд Трампнинг етакчилиги билан изоҳламоқда.
10:55 ҳолатига кўра, энг йирик Binance крипто биржасида битта биткоиннинг нархи аллақачон 74 829 долларга етган ва тез орада 75 000 доллардан ошиши мумкин.
Трамп сайловолди чиқишларида криптовалюталарни, жумладан биткоинни қўллаб-қувватлаганди.
Сўнгги маълумотларга кўра, АҚШда сайловлар якунланди. Ҳозирча Доналд Трампда 246 дона, Камала Харрисда 210 та овоз бор.
