Bloomberg: газ плиталари ҳар йили Европада 40 мингдан ошиқ инсоннинг ўлимига сабаб бўлмоқда

Испаниялик олимлар Европа хонадонларидаги газ плиталари одамларнинг бевақт ўлимига олиб келиши мумкинлигини аниқлади. Бу ҳақда Bloomberg ёзмоқда.

Жауме университети олимлари тадқиқот ўтказдилар, натижада Европа Иттифоқи ва Буюк Британияда йилига 40 мингга яқин бевақт ўлимга бино ичида газ плитасидан фойдаланишда ҳосил бўладиган азот диоксиди таъсири сабаб бўлиши мумкин. Бундан ташқари, бундай мосламалар болаларда астма хасталигига олиб келиши мумкин.

Ҳар учинчи Европа оиласида газ плиталари ишлатилади. "Жамоат саломатлиги нуқтаи назаридан, газ плиталари заҳарли", деди тадқиқот раҳбари Хуана Мария Делгадо-Саборит.

Таъкидланишича, тадқиқот ҳозирча жаҳон олимлари томонидан ўзаро баҳоланмаган. У Европа иқлим фонди нотижорат ташкилоти томонидан молиялаштирилди.