Ўзбекистон ФИФА рейтингида икки поғона кўтарилди
Марказий Осиё термалари орасида энг яхши натижа кўрсатган миллий жамоа 1429,26 балл тўплаган.
ФИФА футбол бўйича эркаклар терма жамоаларининг янгиланган рейтингини эълон қилди.
Ўзбекистон терма жамоаси учта қўшни давлат орасида энг юқори ўринни эгаллади. Жамоа ЖЧ-2026 саралаш босқичида ўз гуруҳида Эрон билан бир хил очко тўплаб етакчилик қилмоқда.
Жамоа 1429,26 балл билан рейтингда 58-ўринни эгаллади. Марказий Осиёда икки поғона юқорилаган ўзбекистонликлардан кейин Қирғизистон терма жамоаси 1207,08 балл билан 103-ўринни банд этди.
Қирғизистонликлар дарҳол жадвалда уч поғона юқорига кўтарилишга муваффақ бўлган. Қозоғистон 1186,46 очко билан 107-ўринни эгаллаган.
Рўйхат пешқадами Аргентина терма жамоаси бўлиб қолди – 1883,5 очко. Иккинчи ўринда Франция (1859,85), учинчи ўринда Испания (1844,33) жойлашган. Биринчи ўнталикка Англия, Бразилия, Бельгия, Португалия, Нидерландия, Италия ва Колумбиялар ҳам кирди.
Эслатиб ўтамиз, сентябр ойида Ўзбекистон термаси 60-ўринни эгаллаганди.
