Муродулло Абдуҳакимов Андижон вилояти прокурори этиб тайинланди

Абдуҳакимов Муродулло Тоғаевич Андижон вилояти прокурори лавозимига тайинланди.

Муродулло Абдуҳакимов 1981 йилда Самарқанд вилоятининг Пастдарғом туманида туғилган.

Ушбу лавозимига тайинлангунига қадар (2020 йилдан буён) Ўзбекистон Республикаси Бош прокуратураси аграр ва озиқ-овқат соҳаларини ривожлантиришга оид қонунчилик ижроси устидан назорат бошқармаси бошлиғи лавозимида фаолият юритиб келаётган эди.

Эслатиб ўтамиз, 2023 йилнинг август ойидан буён Андижон вилояти прокурори лавозимида ишлаб келган Маъруфхон Хўжаев 2024 йилнинг июлида "Ҳудудгазтаъминот" АЖ бошқарув раиси этиб тайинланганди.