Марғилондаги газ тўлдириш шохобчаси қарийб 500 млн сўмлик газни ўғирлашда айбланмоқда
Ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилган.
Жамият
13 октябрь, 14:38
Марғилон шаҳридаги битта АГТКШ 456 млн сўмлик табиий газдан ноқонуний фойдаланганлиги аниқланди.
"Ўзенергоинспекция" Фарғона вилояти ҳудудий бошқармаси, ИИБ ва Бош прокуратура ҳузуридаги Департамент ҳамкорлигида назорат тадбири ўтказилган. Унда Марғилон шаҳридаги "С.Ф.Г" МЧЖга қарашли автомобилларга газ тўлдириш компрессор шохобчаси табиий газдан ноқонуний фойдаланиб келаётганлиги аниқланди.
Дастлабки ҳисоб-китобларга кўра, ушбу қоидабузарлик натижасида газ таъминоти корхонаси манфаатига 456 млн сўмлик зарар етказилганлиги маълум бўлди.
Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
