Миянинг ёш ва соғлом бўлишига ёрдам берувчи маҳсулотлар

Тўғри овқатланиш мияни соғлом ҳолатда сақлашда муҳим рол ўйнайди. Диетолог Ума Наиду қандай қилиб ушбу муҳим органнинг ёшлигини таъминлаш мумкинлиги ҳақида гапирди.

"Биз истеъмол қиладиган овқат ҳазм бўлганда, ичак микробиомасидаги триллионлаб микроблар билан ўзаро таъсир қилади ва турли моддаларга бўлинади, бу эса вақт ўтиши билан бизнинг руҳий ҳолатимизга таъсир қилади", - дея экспертдан иқтибос келтиради "Вечерняя Москва" газетаси.

Шифокорнинг сўзларига кўра, агар танада баъзи моддалар етишмаса, ички органлар, шу жумладан мияда ҳам  муаммолар бошланади. Рационга кўпроқ тола ва полифенолларни киритиш орқали витамин ва минералларнинг этишмаслигининг олдини олиш мумкин.

Тола сабзавот, мева ва дуккакли экинларда, полифеноллар эса сабзи, зайтун, кўкатлар ва қулупнайда учрайди, дейди шифокор. Ферментланган овқатлар ҳам мияни ёш сақлашга ёрдам беради, чунки улар яллиғланишни камайтиради.

Мутахассиснинг қўшимча қилишича, турли ўтлар ва зираворларнинг антиоксидант хусусияти мия саломатлигига ҳам ижобий таъсир кўрсатади.

Аввалроқ 2023 йилда ўзбекистонликлар қандай касалликлардан вафот этаётгани маълум қилинганди. Унда қон айланиш тизими касалликлари яққол етакчилик қилмоқда.