Тошкент орқали учаётган самолёт ҳалокатга учрагани айтилмоқда

Афғонистон шимолида Тошкент томонга учаётган самолёт ҳалокатга учрагани хабар қилинмоқда. Олти киши ҳалок бўлгани айтиляпти. 

Рус ОАВларига кўра, бу Россия рўйхатдан ўтган  «Gazpromavia»нинг Falcon 10B (RA-09011)  самолёти бўлиб, Ҳиндистоннинг Гая шаҳридан Тошкентга учаётган бўлган.

Бизнес-жет экипажи Гая (Ҳиндистон) – Тошкент (ёқилғи қуйиш) – Жуковский (Москва) йўналиши бўйича парвоз қилаётган эди. Тожикистоннинг Кўлоб аэропортига яқинлашганда радарлардан ғойиб бўлган.

Экипаж 19.05 да фавқулодда ёқилғи қолгани ва Кўлоб аэродромига қўнишга қарор қилингани ҳақида хабар берган. Кейинчалик, битта, кейин эса иккинчи двигателнинг ишдан чиққани айтилган. Самолёт бортида 6 киши — 2 йўловчи ва 4 экипаж аъзоси бўлган.