АҚШда "Хелен" тўфони оқибатида 43 киши ҳалок бўлди
Суғурта компаниялари умумий зарарни бир неча миллиард долларга баҳоламоқда.
АҚШ жануби-шарқини қамраб олган "Хелен" тўфони оқибатида камида 43 киши ҳалок бўлди, миллионлаб одамлар электрсиз қолди. Бу ҳақда BBC хабар берди.
"Хелен" ҳозир сезиларли даражада заифлашган бўлсада, метеорологлар кучли шамол, кучли ёғингарчилик ва торнадо хавфи давом этиши ҳақида огоҳлантирмоқда.
Довул зонасида уйлар ва йўллар қисман сув остида қолган, суғурта компаниялари зарарни кўп миллиард долларга баҳоламоқда.
Хабар қилинишича, тўфон тўрт миллион хонадон ва тижорий мижозларини электр энергиясисиз қолдирган.
Флорида штатининг Тейлор округида шериф департаменти эвакуация қилишдан бош тортган аҳолидан "шахсни аниқлаш ва оиласига хабар бериш учун" қўлларига исмлари ва туғилган саналарини олиб, имзо қўйиб беришни сўраган.
