Бўстонлиқда икки уй ёниб кетди

Бўстонлиқ туманида уйлар ёниб кетди. ФВВ ёнғин тафсилотларини эълон қилди.

26 сентябрь куни соат 22:23 да Тошкент вилояти, Бўстонлиқ тумани, “Чинор” МФЙ, Ширмонбулоқ кўчасида жойлашган уйларда ёнғин содир бўлаётганлиги тўғрисида ФВБга хабар тушган.

Шунга кўра, ёнғин-қутқарув экипажлари ҳодиса жойига етиб бориб, қуршаб олинган ва ўчирилган.

Ёнғин натижасида 2 та уйнинг тахминан 150 кв.м. майдонда том ва ички қисми ёниб зарарланган.

Ёнғинни бартараф этишга 4 та ёнғин-қутқарув экипажи ва 3 та сув ташувчи автоулов жалб этилган.

Ҳодиса оқибатида тан жароҳати олган ва вафот этган фуқаролар тўғрисида хабар келиб тушмаган.

Ёнғин сабаби ва моддий зарар миқдори аниқланмоқда.