Ўзбекистонлик шахматчилар 100 фоизлик натижа кўрсатмоқда

Венгрия пойтахти Будапештда ўтаётган Бутунжаҳон шахмат олимпиадасида Ўзбекистон миллий жамоаси муваффақиятли қатнашмоқда.

Ўзбекистон эркаклар терма жамоаси 3-турда Хорватияни 3,5-0,5 ҳисобида, аёллар жамоаси эса сенсацион тарзда мезбон Венгрияни 2,5-1,5 ҳисобида мағлубиятга учратишди.

Ўтказилган 3 турдан сўнг 3 ғалаба билан ўзбек шахматчилари 100 фоизлик натижа кўрсатишмоқда.

4-турда эркаклар терма жамоа Вьетнам терма жамоасига қарши майдонга тушади, аёллар терма жамоаси эса Болгария билан беллашади.