Сирдарё вилояти ҳокими Сардоба тумани учун бир млрд сўм ажратди
Маблағ туманни ижтимоий ва иқтисодий ривожлантириш ҳамда аҳолига қулай яшаш шароитлари яратишга сарфланиши кўзда тутилган.
Сирдарё вилояти ҳокими Акмалжон Маҳмудалиев Сардоба туманига пул ажратиш бўйича фармойишни имзолади.
Унга кўра, Сардоба туманини ижтимоий ва иқтисодий ривожлантириш ҳамда аҳолига қулай яшаш шароитлари яратиш билан боғлиқ харажатларга вилоят маҳаллий бюджетининг эркин қолдиқ маблағлари ҳисобидан 1,0 (бир) миллиард сўм маблағ Сардоба тумани маҳаллий бюджетига ажратилади.
Туман ҳокимлиги ажратилган маблағнинг мақсадли ва самарали ишлатилишини ҳамда вилоят ҳокимлиги матбуот хизмати билан биргаликда ажратилган маблағ доирасида амалга оширилган ишлар тўғрисидаги маълумотларни вилоят ҳокимлигининг веб-сайтига жойлаштирилишини таъминлайди.
Иқтисодий жиноятларга қарши курашиш департаменти давлат молиявий назорат инспекцияси Сирдарё вилояти бошқармаси харажатлар юзасидан якуний текширув ўтказиш ваколатига эга бўлади.
