Элбек Султонов Ўзбекистонга учинчи олтин медални келтирди
Мамлакат делегацияси ҳисобида ҳозирча 3 та олтин, 2 та кумуш ва 2 та бронза мавжуд.
Спорт
31 август, 14:21
Элбек Султонов Ўзбекистон делегациясига учинчи олтин медални тақдим қилди.
Париж-2024 ёзги Паралимпия ўйинларида делегация яна бир олтин медалга сазовор бўлди. Мазкур медални пара енгил атлетикачи Элбек Султонов келтирди. Ядро улоқтириш бўйича Ф12 классида кечган баҳсларда юртдошимиз 16.45 метр қайд этишга эришди.
Мазкур натижадан кейин Ўзбекистон делегацияси ҳисобидаги медаллар ҳозирча 3 та олтин, 2 та кумуш ва 2 та бронзани ташкил қилмоқда.
