Учқудуқ туманига янги ҳоким тайинланди
Аввалги раҳбар Соли Ҳамроев "фаолиятида тизимли камчиликларга йўл қўйгани учун" ишдан олинганди.
Жамият
27 август, 9:55
Навоий вилояти ҳокимининг қарорига асосан, Елмуратов Учқун Файзуллаевич Учқудуқ тумани ҳокими вазифасига тайинланди.
Бу ҳақда вилоят ҳокимлиги хабар берди.
Тайинловга қадар, Учқун Файзуллаевич “Агробанк” АТБ Навоий вилояти бошқармаси бошлиғи вазифасида фаолият юритган.
Учқун Елмуратов 1986 йилда Конимех туманида таваллуд топган. Маълумоти олий. 2007 йилда Тошкент молия институтини ҳамда 2012 йилда Ўзбекистон Республикаси Президенти ҳузуридаги Давлат ва жамият қурилиши академияси қошидаги олий бизнес мактабини тамомлаган.
Эслатиб ўтамиз, аввалги ҳоким Соли Ҳамроев 2024 йил июл ойида президент томонидан ўтказилган йиғилишда ишдан олинганди.
