Таълим муассасаларида ўқиш қачондан бошланиши аниқ бўлди
Мактаб, лицей ўқувчилари ва коллежларнинг айрим курслари учун 4 сентябрдан, ОТМларда эса 9 сентябрдан ўқув йили бошланиши кутилмоқда.
Жамият
23 август, 21:02
Олий таълим муассасаларида янги ўқув йили 9 сентябр, душанба кунидан бошланади.
Бу ҳақда олий таълим, фан ва инновациялар вазирининг 2024 йил 21 августдаги 321-сонли буйруғида белгиланди.
Академик лицейларда ва умумий ўрта таълим мактабларида эса янги ўқув йили 4 сентябр, чоршанба кунидан бошланади.
Касб-ҳунар мактабларида ҳамда коллеж ва техникумларнинг 2 ва ундан юқори курслари учун ҳам янги ўқув йили 4 сентябр кунидан бошланади.
Коллеж ва техникумларнинг 1-курслари учун 2024/2025-ўқув йилининг бошланиши бўйича қўшимча маълумот берилади.
