Андижон шаҳри собиқ ҳокими янги лавозимга тайинланди
У сўконғичлиги ва бузуқ ахлоқи учун 2019 йилда ишдан олинганди.
Жамият
18 август, 9:33
Андижон шаҳри собиқ ҳокими Дилмурод Раҳматуллаев янги лавозимни эгаллади.
Андижон шаҳрининг ҳозирги ҳокими Ғофур Абдураҳмоновнинг қарори билан Раҳматуллаев шаҳар ободонлаштириш бошлиғи лавозимига тайинланган.
Дилмурод Раҳматуллаев 2019 йилда аҳлоқсиз тасвири тармоқда тарқалиши ортидан ишдан олинганди.
Раҳматуллаев илк бор жамоатчилик эътиборига 2017 йил ўқитувчиларни ҳақорат қилгани аудиоси тарқалганида тушганди. Ўшанда ҳоким 5,1 млн сўм жаримага тортилганди.
У 2016-2019 йилларда ҳоким бўлиб ишлаган.
