ЖССТ маймунчечак туфайли глобал фавқулодда ҳолат эълон қилди
Йил бошидан буён Африканинг 13 давлатида жами 17 мингга яқин маймунчечакка чалинганлар гумон қилинган ва 517 киши ўлган.
Жаҳон соғлиқни сақлаш ташкилоти Конго Демократик Республикасида авж олган ва қўшни давлатларга тарқалиб кетган маймунчечак касаллиги сабаб, икки йил ичида иккинчи марта глобал фавқулодда ҳолат деб эълон қилди.
Чечак қўзғатувчиси касал одам билан яқин алоқада бўлганда юқади. Одатда касаллик енгил кечади, лекин баъзи ҳолларда йирингли жароҳатлар юқтирган одамнинг бутун танасига тарқала бошлайди, натижада ўлимга олиб келади.
Касалликнинг авж олиши "халқ саломатлиги учун фавқулодда вазият" деб белгиланди, бу огоҳлантиришнинг энг юқори даражаси.
Бу каби қарорлар даволанишни тезлаштиришга ёрдам беради ва инфекцияни иложи борича жиловлаб туриш учун глобал соғлиқни сақлаш саъй-ҳаракатларини молиялаштиради.
Охирги эпидемия касалликнинг ҳар қандай жисмоний алоқа, шу жумладан жинсий алоқа орқали осонроқ тарқаладиган янги вариантини келтириб чиқарди.
Йил бошидан буён Африканинг 13 давлатида жами 17 мингга яқин маймунчечак инфекцияси гумон қилинган ва 517 киши ўлган. Бу ўтган йилнинг шу даврига нисбатан 2,5 баробар кўпдир.
