"Олмазор"да кўп функцияли маҳалла биноси қурилмоқда
Қаҳрамон Қуронбоев Булунғур туманидаги "Олмазор" маҳалласига ташриф буюрди.
Ўзбекистон маҳаллалари уюшмаси раиси Қаҳрамон Қуронбоев Булунғур туманидаги "Олмазор" маҳалласига ташриф буюрди. Бу ерда қурилиши якунига етаётган "Янги Ўзбекистон" массиви ва маҳалланинг янги биноси билан танишилди.
Маҳалла биносининг ертўласида соғломлаштириш маркази, 1-қаватда маҳалла ходимлари фаолияти учун хоналар, 2-қаватда тикувчилик корхонаси ва 3-қаватда ахборот технологиялари маркази иш бошлайди.
Шунингдек, маҳалла биносининг орқа тарафидаги ерга стадион ва оилавий шифокорлик пункти қурилиши режалаштирилган.
Уюшма раҳбари мазкур ишларнинг боришини кўздан кечириб, "Олмазор" маҳалласи намунавий маҳаллага айланиши лозимлигини таъкидлади. Мутасаддиларга зарур кўрсатма ва топшириқлар берилди.
